المساعد الشخصي الرقمي

مشاهدة النسخة كاملة : ^~*¤©[£] إشرايكم إنعيد مصطلحات تراثنا الخليجي [£]©¤*~^


][][ خـــــزامـــــى ][][
01-17-2008, 12:47 PM
السلام عليكم ورحمة الله

شلونكم شخباركم .. ؟؟

حبيت بهالموضوع انه انعيد مصطلحاات تراثنا الخليجي اللي اندثرت مع ظهوور العولمه .. الكلمات هنا قد تكون لأشياء أو ألقاب او غيره وراح تكون على شكل لعبة حليوة :p ;)

يعني الي يدش يجاوب على المصطلح الموجود ويحط مصطلح غيره ..

بس بشرط ان الاجابة تكون صحيحة ..

يالله نبدي ....

" كرخانه "

عثمان العلي
01-17-2008, 02:11 PM
اخليها للي بعدي لأني ما عرفها :p ,,,

الي بعدي عندك كلمتين مالت خزامى و كلمتي اهيه ,,

"ساتول" ....

يعطيج الف عافيه خزامى

][][ خـــــزامـــــى ][][
01-17-2008, 11:09 PM
لووووووول أنا راح أجاوب على كلمتك بس كلمتي منو راح يجاوب عليهااا

ساتول يا طويل العمر يعني الإنتظام في خط واحد :p هذي الإجابه اللي قالوها لي لووووول
كلمتي ما زالت الكرخانه :p

عثمان العلي
01-17-2008, 11:46 PM
الكرخانه يا كرخانه منو يعرف الكرخااااانه , , وينك يا أسير الكنادره :p ,,,

أسير الكنادره
01-18-2008, 01:06 AM
ياكم المنقذ
كلمة كرخانه كركم الله تعني بيت الدعاره باللغة التركيه
أما إذا كانت الأخت خزامي تعني جرخانه فتعني ماكينة الخياطه في اللهجة البحرينيه

ما معنى كلمة النداف

وتقبلوا إحترامي

كـــندري بازبنـــدي
01-18-2008, 01:24 AM
كلمت النداف طال عمرك اهو الشخص الي يثقوم بصناعه السائد ( المخده ) والمطارح وكل ما يتعلق بالقطن والصوف هذا اذا ماني غلطان
شنو يعني كلمج كوجو ؟ الشاكر يحلها

بحرينيه وكلي فخر
01-18-2008, 01:26 AM
النداف:
هو من يقوم بعمل فرش النوم والتكايات ( المساند ) ومراتب الجلوس ( المطارح ) والنهيلي ( غطاء مزدوج ) وقد كانت الأدوات التي يستخدمها النداف قديماً بسيطة ويدوية ولم يستخدم فيه الآلة على الإطلاق وغالباً ما يستخدم نفس القطن القديم الذي يعمل على تجديده بتنجيده بالآلة البسيطة ليكون صالحاً للاستعمال مرة أخرى .

مادري اذا صح ولا غلط !!


اذا صح الي عقبه اهوا يحط الـكلمه لأن ماعندي :P

][][ خـــــزامـــــى ][][
01-18-2008, 01:51 PM
كلمت النداف طال عمرك اهو الشخص الي يثقوم بصناعه السائد ( المخده ) والمطارح وكل ما يتعلق بالقطن والصوف هذا اذا ماني غلطان
شنو يعني كلمج كوجو ؟ الشاكر يحلها

اللي بعدي ياوب على سؤال أخونا كندري بازبندي

][][ خـــــزامـــــى ][][
01-18-2008, 01:52 PM
كلمت النداف طال عمرك اهو الشخص الي يثقوم بصناعه السائد ( المخده ) والمطارح وكل ما يتعلق بالقطن والصوف هذا اذا ماني غلطان
شنو يعني كلمج كوجو ؟ الشاكر يحلها

اللي بعدي يجاوب على سؤال أخونا كندري بازبندي

عثمان العلي
01-19-2008, 11:57 PM
كوجو ,, جنها مو كلمه خليجية @@ ,, :) ,,

][][ خـــــزامـــــى ][][
01-20-2008, 10:25 AM
كندري بازبندي شنو معنى الكلمه لوووووووول ما انعرف :D

عثمان العلي
01-20-2008, 10:12 PM
ننطر المنقذ اسير الكنادره :p .

][][ خـــــزامـــــى ][][
01-21-2008, 06:34 AM
هههههه وينك أسير الكنادره .
معجم مو أسير والله الكلمه صعبه ناطرين الحل (:

أسير الكنادره
01-21-2008, 06:37 AM
أنا أقول أن العضو كندري بازبندي إمضيع بين الأمثال الخليجيه والكندريه
أرجوا منه التأكد من ذلك ويمكن ما قارى الموضوع عدل :D

الكلمة الجديده
( باب بو خوخه )

][][ خـــــزامـــــى ][][
01-21-2008, 09:13 AM
( باب بو خوخه )
نوع من انواع الأبواب القديمه و دائما يكون باب صغير في باب كبير:D


الكلمه الجديده هي:

الــــــــــــــــــــــــروشنــــــــــــــــــــ ة

بونوور الكندري
01-21-2008, 09:42 AM
الروشنه تعني جميع الصفات السيئه مادري اذا صح ولا لا

مامعنى ( بطبطه)

][][ خـــــزامـــــى ][][
01-21-2008, 10:33 AM
الروشنه تعني جميع الصفات السيئه مادري اذا صح ولا لا

مامعنى ( بطبطه)

لا بو نـــــــوور الإجاابه مو صحيحه اللي بعدي يجاوب على سؤالي و سؤال بو نوور..

الروشنه

بطبطه

bnt_alknadraa
01-21-2008, 10:55 PM
انا بجاوب على الروشنه :لحظه بييب كتاب التراث الكويتي اللي عندي لوووووووول


الله يسلمج خزامى يعني الرف رف محفور داخل حائط الغرفه على شكل مستطيل او قوس بالاعلى لوضع الحاجات به بغرف البيت الكويتي قديما والبطبطه اللي بعدي خلي يجاوب :p

ويعطيج العافيه خزامى

بونوور الكندري
01-22-2008, 04:30 AM
ماشالله عليج بنت الكنادره وانا رايح عرض اقول الكسول
انزين شكلكم كساله ماعندكم معلومات في احد مايعرف البطبطه كلمه مو كويتيه مؤخوذه من دولة خليجه وللحين يسمونها هالاسم بعد اكثر من جذي مااقدر اوضح

أسير الكنادره
01-22-2008, 05:48 AM
http://www2.0zz0.com/2008/01/22/02/254329574.jpg (http://www2.0zz0.com/2008/01/22/02/254329574.jpg)


طبعا أمامكم البطبطه الصناعة الهنديه وطبعا هالصورة داخل الاستديوا في الهند


واليكم الكلمة الجديده
الملاله

بونوور الكندري
01-22-2008, 07:06 AM
هههههههههههههههههههههههههههههه
الله عليك يااسير جوابك عجيب

بونوور الكندري
01-22-2008, 07:13 AM
الملاله الى تحفظ الخبز
مامعنى منده

][][ خـــــزامـــــى ][][
01-22-2008, 10:26 AM
منـــــــــــــــــده :confused: :confused:

تقصد مندي هههههههه و الله ما اعرف ممكن اتوضح أكثر.

كندري عسل
01-22-2008, 12:08 PM
منده
اخوي بونوور وضح لو سمحت

أسير الكنادره
01-22-2008, 03:54 PM
المنده طبعا شيئ ضروري في كل بيت ويسمى أيضا مسبح أي الحمام
أيام قبل كانوا يركزون عليه أثناء بناء المنزل وهذا يمكن الاجابه الصحيحه ويمكن يكون عامود خرساني بس ياريت بو نوور يعطينا بالتفصيل

بنت فيلجـــا
01-22-2008, 04:11 PM
و الله موضوع عجيب حده

و لو اني ما عرفت يعني شنو المندة

بس حبيت اعطيكم مصطلح

غلوب او Glob

مثل ما تنلفظ

:)

القطة الحنونة
01-22-2008, 11:23 PM
غلوب = لمبه

ما معنى كلمة دهريز

أسير الكنادره
01-23-2008, 03:44 AM
غلوب = لمبه

ما معنى كلمة دهريز


أيام قبل كان في باب كبير على مدخل الحوش (بوصفاقتين )
يليه مباشرتا ممر يعرف بالهريز ويوسط الدهريز تجويف أرضي يمتد تحت الباب لخروج ماء المطر ويسمى ( المدعاب )
أما على يمين الدهريز فغالبا ما يكون ( الدري ) أي السلم الذي يؤدي الى السطح .

وعلى اليسار باب ديوانية المنزل حتى لا يدخل الغريب الى داخل حوش المنزل


أما كلمتي الجديدة اليكم
( المختلى / والأدب )

][][ خـــــزامـــــى ][][
01-23-2008, 09:02 AM
:D :D
الإجابه منقوله من موضوعك يا أسير ;) :p

( المختلى / والأدب )

الادب او المختلي والمسبح، اي حمام للغسيل والاغتسال، اما الادب فهو لقضاء الحاجة..
من موضوع مهنة الحضارة الكويتية والفن المعماري

سؤالي ::

ما المقصود بالحب؟؟
هي أداة للتوضيح.

بنت فيلجـــا
01-23-2008, 11:07 AM
الحب هو ولد البرمة

:)

اناء فخاري يوضع به الماء اصغر من البرمة

كلمتي

البطيخـــــــــة

مو اخت الرقي .. شي ثاني ..

:)

][][ خـــــزامـــــى ][][
01-23-2008, 11:54 AM
احنا عندنا في الإمارات انقول بطيــــــــــــــــــــخه للي يقرع :D :D يعني يحلق كل شعر راسه
ما أدري بنت فيلجـــــــــــا كان قصدج جذيه ولا لأ!!!!!!!!!!!:p ;)

بنت فيلجـــا
01-23-2008, 12:07 PM
:)

لا حبيبتي بطيختنا غير عن بطيختكم

انتي حسبالج بطيختنا مثل بطيخنكم

هو شي للاستعمال

بطيختكم صفة .. بطيختنا اسم يطلق على شي من اشياء البيت الكويتي القديم

تسلمين يا الغالية بس ما صدتيها

:)

][][ خـــــزامـــــى ][][
01-23-2008, 02:23 PM
يمكن عيل نفس بطيختنا الثانيه ههههههههههههههههههههههه
الســـــــــــــــــــــــرير :D

أظن هذي صحـــــــــــــــــ ;)

و اللي بعدي يكتب الكلمه..

بنت فيلجـــا
01-23-2008, 02:30 PM
عفية عـ ـالشاطرة

اقول يا ربي سهلة لازم تعرفينها

:)

اوكي كلمتي ..

مقحـــــــــام

:)

][][ خـــــزامـــــى ][][
01-23-2008, 02:40 PM
مقحـــــــــام..

لعبه من الألعـــــــــــــــــاب الشعبيه :p

بنت فيلجـــا
01-23-2008, 03:19 PM
للاســـــف الاجابة خاطئة

حاول مرة اخرى

:)

][][ خـــــزامـــــى ][][
01-24-2008, 09:49 AM
لووووووووووووول يالله في انتظار باقي الأعظاء ^.^

عثمان العلي
01-24-2008, 05:16 PM
يعني مزلاق الباب دريشة ,, ,, مادري عاد صح ولا غلط ,, :)

um_brook
01-24-2008, 07:29 PM
أممم والله لين الحين ماعرفتها
نفاااخ الضو
يالله شدو الحيل;)

um_brook
01-24-2008, 07:45 PM
المقحام يعني: قفل خشبي مستطيل الشكل للباب

بنت فيلجـــا
01-25-2008, 12:06 AM
عدل اخيتي ام بروك

هو مثل القفل للباب

مادري جان هذا قصد اخونا عثمان و الا لا

:)

عثمان العلي
01-25-2008, 12:10 AM
اي هذا الي قصدته :)

و ننتظر صحة الإجابة
----

الكلمه الي بعدي ,, " دروازة " ..

][][ خـــــزامـــــى ][][
01-25-2008, 01:44 AM
لوووووووووول ليش جذيه الكلمات صعبه :confused:

بنت فيلجـــا
01-25-2008, 10:48 AM
الدروازة هي مثل بوابة المدينة

البوابة العودة

:)

اللي عقبي ..

مـــــــــرقــــــــــــــد

عاد هذي سهلة

:)

عثمان العلي
01-25-2008, 02:50 PM
خزامى يدددتي العوده وين التراث نسيتي :P :P :P ...
ولا تسوين روحج شباب :P :P :P ..
---------

بنت فيلجا المرقد يعني الفراش الي ينامون و يرقدون فيه أو المكان الي ينامون فيه ,,,

الكلمه الي بعدي " بركه أو برجة "

][][ خـــــزامـــــى ][][
01-25-2008, 03:39 PM
خزامى يدددتي العوده وين التراث نسيتي :P :P :P ...
ولا تسوين روحج شباب :P :P :P ..

الكلمه الي بعدي " بركه أو برجة "

:mad: أنا يدتكـــــــــــــــــــــــ:rolleyes: زييييييييييين أنا نسيت الموضوع بس شكلك تبي تفتحه هااا و جنت على نفسهاا براقش:p ;)

بركه أو برجه يعني بركة الماي صح :D

و ان شاء الله يطلع معنى مرقد خطأ عشااان أضحك على الثقه :p

MoRooJiA_2007
01-26-2008, 04:35 AM
لالا صح مرقد المعنى اللي قاله ( واااثقة من خبرتها ) انزين وين الكلمة اللي عقب ابي احل

كلمتي الصفرية
يا الله حلوها يا شطار

بنت المهياوه
01-26-2008, 04:51 AM
الصفرية ياحلوة اهي مالت الهريس :)

الي بعدي

إمشلوَط

MoRooJiA_2007
01-26-2008, 04:56 AM
اووووووو شطووووورة مشلوط اللي اهوه العصبي الحاار حددده صححح ؟

الكلمة اليديدة تنبل

بنت المهياوه
01-26-2008, 05:31 AM
صح
تنبل
الي ماله خلق يتحرك كلة متعيز
كلمة امي تقونا عيال هالزمن تنابل :)

بنت المهياوه
01-26-2008, 05:36 AM
الي بعد

مربرب

MoRooJiA_2007
01-26-2008, 05:40 AM
مربرب يعني تختوخ رابي

اللي بعدها مهردق

um_brook
01-26-2008, 09:45 AM
مهردق يعني الشي المكدود ..يعني شي مستعمل وقديييم فيقولون عنه مهردق..منتهيه صلاحيته مثل مانقوول
إنشاءالله إوصلت
الششمه:cool:

بنت فيلجـــا
01-26-2008, 10:52 AM
الششمة هي النظارة

:)

ما شا الله صار في وايد ويوه يديدة

عفية على الشيوخ .. لازم تعرفون عن تراثكم

:)

كلمتي ..

لهــــــــــانــــــــة

يمكن لي الحين نستخدمها

][][ خـــــزامـــــى ][][
01-26-2008, 03:21 PM
لووول بعض الكلمات صعبه بس بعد البحث هذا المعنى اللي لقيته لكلمة لهــــــــــانــــــــة

شرائح الملفوف الحمر :D :D
ان شاء الله يكون المعنى صحيح


كلمتي اذا كانت الإجابه صحيحه هي..


شــــــــــــــكيصي :D

um_brook
01-27-2008, 07:10 AM
الجواب عندي وأنا بوهندي;)
الشكيصي اي لا يصدق بمواعيده معه يراوغه ويؤمله والشكيصي عبارة عن لعبة

ها شرااايج فيني:p
إلي بعدها( لنـــــــــــــــدنــــــــــــــي)

][][ خـــــزامـــــى ][][
01-27-2008, 10:06 AM
ياااااااااا سلااااااااام يا um_brook:p ;)

يعني الشيء الحلو او ذو الجوده..


كلمتي هي :

امــــزهلــــــــق

بنت فيلجـــا
01-27-2008, 11:31 AM
امزهلق يعني متكشخ آخر كشخة

مادري جان في معنى ثاني

:)

كلمتي ..

روتـــــــي


:)

][][ خـــــزامـــــى ][][
01-27-2008, 01:42 PM
روتــــــــــــــــــــــــي يعني الخبز


كلمـــــــــــــــتي::

شنو معنى كلمة تكمكمت ؟؟

um_brook
01-27-2008, 08:03 PM
تكمكمت الله يسلمج ويسلم الحضووور..يعني المره لمن إتكمم بالعباة يعني تغطي جسمها كله
ومايبين منها شي تقريبا
وحتى إلي من البرد يتكمكمووون..يعني يتلحفون ولايطلع منهم ظفر:D :p
وإحنا هنيبكندا من البرررررررررد صج متكمكمييين من ناقص 25;)
كلمتي: مجثي بفتح الحاء والشده مع الكسره على الثاااااء:rolleyes:
يالله ورونا شطارتكم ياحلوييين

MoRooJiA_2007
01-28-2008, 04:40 AM
مجثي يعني الشي القديييييييم المغبر شي جذي ما اعرف اشرح

كلمتي خااامووش

][][ خـــــزامـــــى ][][
01-28-2008, 08:34 AM
مجـــــــــــــثي:: احنا انقول عنها أجلح املح :D :p

خااامووش ؟؟؟؟
ما أعرف أتركها اللي بعدي :p

عثمان العلي
01-28-2008, 11:18 PM
خاموش كلمه اصلها هندي ,, يعني سكوووت أو هدوووء :) ,,


شنو يعني عفلنقي .. ؟

um_brook
01-29-2008, 05:41 AM
فعلا مجثي تنقال عن الشي القدييم
إلي تغير لونه من قدمه
أما معنى كلمة العفلنقي يعني‏صفه تطلق ‏على الشخص سئ السمعه المتلاعب

وكلمتي ألحييييين:
نام ابمردانه
لوووول هذي حق الشبااااب

عثمان العلي
01-29-2008, 05:42 AM
لول ,, نام اب مردانه يعني لعن خيره داس اب بطنه :P ...

الكلمه للي بعدي ,, سبندي

um_brook
01-29-2008, 06:00 AM
لووول
عدل شغلك يا العلي:d
لعن خيره وخربط مواعييين ويهه
لووووول
ومعنى سبندي يعني الشخص إلي مايعتمد عليه بشي
يعني في هالكلمه نوع من الاهانه والتحقير لمثل هالنوع من الناااس البطاليه إلي مامنهم
فايده ولا عايده
إلي بعدهاااا
بخوور السوق

بنت فيلجـــا
01-29-2008, 02:16 PM
بخور السوق .. يعني الفضيحة اللي ما يخش شي بقلبه

:)

كلمتي ..

الوكيــــــح

:)

][][ خـــــزامـــــى ][][
01-29-2008, 02:40 PM
الوكيــــــح يعني شيطان ما ادري جنه صح..

اذا صح كلمتي هي ::خري مري:D

بنت فيلجـــا
01-29-2008, 02:46 PM
عدل اخيتي

:)

خري مري .. جنة يعني "بشيه بشيه" او خوارة او مسالة سايبة

مودري .. نقي وحدة منهم

:)

كلمتي ..

الميــــــدم

][][ خـــــزامـــــى ][][
01-29-2008, 03:04 PM
الميدم اكله عدل ;)
بالإماراتيي جشيد و هي العيش بالسمج.

اذا صح كلمتي..

سنسون انعية

بنت فيلجـــا
01-29-2008, 03:26 PM
عدل اخيتي و القشيد نفسها تقريبا لان الاكلتين من سمج اليريور

:)

سنون انعية .. :) و الله ساعات لمن نروح السوق و امي تشوف خام يترطرط تقول عنه سنسون نعية

او اذا قصدج ان يطلق على الشخص اللي ماله هيبة

مودري اخيتي .. شنو قولتج انتي ..؟؟

:)

][][ خـــــزامـــــى ][][
01-29-2008, 04:27 PM
الثانيه هي الأصـــــــــــــــح يا بنت فيلجــــــــــــــــا ;) :p
يطلق على الشخص اللي ماله هيبة


كلمتــــــــــــى هي منفهــــــــــــــــــــر

عثمان العلي
01-29-2008, 10:12 PM
منفهر اظن يعني اذا قالو يا فلان شفيك منفهر يعني شفيك صاكه فيك الدنيا شغله جذي :p ..

كلـــمــتي هي باب بو خوخة

][][ خـــــزامـــــى ][][
01-30-2008, 02:03 PM
لووووووووول لا عثمان العلي منفهر يعني ما به ذرة حيــــــــــــــاء و ما يستحي أبد و الخجل أبد ما يعرفه.

باب بو خوخة :D :D :D :D
مو جنه وحده منزله موضوع عنه ;) :p

يعني الباب القديم اللي فيه باب أصغر منه ..

كـــــــــــــــــــلمتي.
غـــــــــــــــــــــــــــــــــمنده

][][ خـــــزامـــــى ][][
01-31-2008, 09:12 PM
:rolleyes: :rolleyes:

يعني الكلمـــــــــــه صعبه !!!

عثمان العلي
01-31-2008, 10:27 PM
بالعكس اسهل شي غمنده يعني سر ,, يعني ليه قال فلان شنو الغمنده يعني شنو السر ,,

كلمتي هي "طمبحله"

عبدالملك الكندري
02-01-2008, 04:01 AM
طمبحله يعني متين

على فكره هالكلمه امطلعينها من شريط اناشيد قديم

اعطيكم بعض كلماته

(( كرشي كبير آكل كثير .. ضحكتي ابشبعتي ..طم طم طمبحله ))


كلمتي اهيه
عيد نوروز

عثمان العلي
02-01-2008, 04:32 PM
اظنه احد الأعياد عند الفرس ,,


كلمتي هي "خــاشوق"

][][ خـــــزامـــــى ][][
02-01-2008, 08:17 PM
خـــــــــــــــــــــاشوق قصدك خاشوقه الملعقه :p ;)

اذا صح كلمتي هي

اخريبــــــــــــــــــــــــــــجي

عثمان العلي
02-02-2008, 12:56 AM
اخريبجي اظن يعني الي يخرب عالناس :p .

انا ليش اني ماني متأكد من الكلمه ماراح احط كلمه :) انتظر الإجابة الصح

][][ خـــــزامـــــى ][][
02-02-2008, 02:51 PM
لااا عثـــــــــــــــمان العلي المعني غير صحــــــــــــــيح :D :p

انشوف اللي بعدكــــــــــــــ..

الكلمه هي اخريبــــــــــــــــــــــــــــجي

عثمان العلي
02-03-2008, 12:05 AM
ويـــــنك أسير وينك يالمنقذ :p ..

][][ خـــــزامـــــى ][][
02-03-2008, 09:38 AM
ويـــــنك أسير وينك يالمنقذ :p ..

:p اتلااقي أســـــــــــير ما يعرف المعنى :D

MoRooJiA_2007
02-03-2008, 12:23 PM
اخريبجي ؟؟؟
كويتية هالكلمة أصلا ؟؟؟!!!!!
ما ظنتي كويتية خزامى !!!!

][][ خـــــزامـــــى ][][
02-03-2008, 02:11 PM
اخريبجي ؟؟؟
كويتية هالكلمة أصلا ؟؟؟!!!!!
ما ظنتي كويتية خزامى !!!!

اي كويتيــــــــــــــــه :p ;)

][][ خـــــزامـــــى ][][
02-17-2008, 03:30 PM
بما انه ولاا عضو عرف الكلمه هذا هو المعني,,,,
اخريبجي : الشـــــــــخص المبذر اللى يصرف امواله بسخاء وتبذير,,


الكــــــــــــــــــــلمه,,,,,

ازحير أو ازحـــــــــــــــر :D

boss
02-26-2008, 06:49 PM
بما انه ولاا عضو عرف الكلمه هذا هو المعني,,,,

اخريبجي : الشـــــــــخص المبذر اللى يصرف امواله بسخاء وتبذير,,


الكــــــــــــــــــــلمه,,,,,


ازحير أو ازحـــــــــــــــر :D




أنا أفتكر كلمة إزحير أو إزحر تعني عدم الرضى من الطرف الآخر وتقال هذه الكلمة عندما يأكل الطرف الذي أنت مو راضي عليه وتقول له إزحر أو إزحير على جبدك أما ماذا تعني فلا أعرف بالضبط .
وشكرا .

إليكم كلمة جديد إذا كان المعنى صحيح
كلمة
جحلـــه

][][ خـــــزامـــــى ][][
03-09-2008, 12:07 PM
انا اللي أعرفــــــــــــه إنه جحلـــه وعاء فخـاري لحفظ الماء و إبقائه باردا,,
اذا المعــــــــــنى صحيح اللي بعدي يحط الكلمــــــــــــه,,